ЛГБТ+ активистите во Грузија денеска ја откажаа парадата на гордоста откако нивните противници ја нападнаа нивната канцеларија во Тбилиси, како и некои активисти и новинари.
Активистите во четвртокот почнаа петдневна прослава на правата на ЛГБТ+ и планираа денеска да одржат „Парада за достоинството“ во центарот на Тбилиси, отфрлајќи ги критиките од црквата и конзервативците кои сметаат дека за тоа нема место во нивната земја.
Но, планови ги спречија нивните противници кои ја нападнаа канцеларијата на организаторот и од зградата го отстранија знамето со боите на виножито.
На снимките објавени на социјалните мрежи се гледа и новинар со крвава уста и маж на скутер кој се залетал во новинарите на улица, јавија локалните медиуми.
