Повеќе од 90 лица – 72 цивили и 19 полицајци – се повредени за време на улични протести во колумбиската престолнина, соопшти министерот за внатрешни работи на градот Луис Ернесто Гомез.
Од утрово, болниците ги прифаќаат повредените – 91 лице се повредени за еден ден.
„Ова братоубиствено насилство мора да престане – сите ние сме Колумбијци. Сечиј живот е свет “, напиша Гомез на својот налог на Твитер.
Претходно, тој рече дека демонстрантите запалиле 15 полициски станици.
Градоначалничката на Богота Клаудија Лопез исклучи можност за испраќање трупи во градот поради немирите, но остро ги осуди и побара да престане уличното насилство.
Според народниот правобранител на земјата, 18 демонстранти и еден полицаец биле убиени во еднонеделните судири во Колумбија. 89 лица исчезнаа без трага.
Министерството за одбрана соопшти за 846 повредени од двете страни на барикадите и 431 приведен.
Протестите против зголемувањето на даноците во земјата продолжуваат втора недела, иако претседателот Иван Дуке јавно ги напушти идеите за зголемување на ДДВ за бензините и комуналните услуги и основицата за данок на доход.
Националниот комитет за протести за денеска најави уште еден национален штрајк. Организациите на работниците и студентите исто така повикуваат на преразгледување на условите за воведување санитарна вонредна состојба и за реформа на здравствената заштита. Тие сакаат да се распушти полициската единица за справување со немири Есмад, да се демилитаризира градот, да запрат убиствата на граѓани и да се казнат одговорните за убиствата на демонстрантите.
BREAKING: Police in Columbia attack unarmed protesters as protests against new tax proposals continue.#ColombiaSOS #Columbia
— Global News Network (@GlobalNews77) May 5, 2021
pic.twitter.com/mTOzirvAN3
? – CIVIL UNREST: Happening Now!!!
— France Résistance (@FranceRsistanc1) May 5, 2021
RIOTS IN COLUMBIA
This is what Columbia is right now massive riots and protests every single day each day escalating even more. The people are pleading for help. pic.twitter.com/hSxoVdi2fH
