Среде гласините за проблеми со свршеникот Алекс Родригез, пејачката и актерка Џенифер Лопез сподели на Инстаграм фотографија од снимањето на нејзината нова кампања, облечена во бело од глава до петици.
51-годишната Џенифер позираше во бело одело под кое носеше само градник и во нов модел на патики што ги дизајнираше за моден бренд.
„На врвот на светот“, напиша Џенифер заедно со објавата.
Но, сите прво забележаа дека пејачката позира без дијамантскиот веренички прстен, без кој претходно не се појавуваше никаде. Ова се случи по нејзините тврдења дека дава се од себе и дека заедно со Алекс прави сè за нивната врска да биде приоритет во нивните животи, пренесува списанието People.
