Полска и Романија распоредуваат нов систем на оружје по серијата упади на руски дронови во воздушниот простор на НАТО во последните месеци.
Американскиот систем „Merops“ може да ги идентификува дроновите и да им се приближи, користејќи вештачка интелигенција за навигација кога сателитските и електронските комуникации не функционираат.
Покрај Полска и Романија, системот ќе го користи и Данска, соопшти НАТО. Полковникот Марк Меклејлан, помошник началник на штабот за операции во Алијансната копнена команда, истакна дека системот овозможува прецизна детекција и е способен да ги уништува дроновите.
Во септември околу 20 руски дронови влегле во воздушниот простор на Полска, а средината на септември се случил сличен инцидент и во Романија. Поради упадите, привремено биле затворени аеродромите во Копенхаген, Минхен, Берлин и Брисел.
