Секторот за внатрешни работи Велес поднесе кривична пријава против А.З. (45) од Велес, поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“.
Како што информира МВР, на 9 февруари 2025 година, полициски службеници извршиле претрес во домот на пријавениот, при што биле пронајдени и одземени две ловечки пушки, ловечки карабин, два пиштола, 146 куршуми, 21 ловечки патрон, расклопен ловечки карабин и репетирачка пушка.
По целосно документирање на случајот, против осомничениот ќе биде поднесена соодветна постапка до надлежното обвинителство.
