Украинската армија ги отфрли изјавите на рускиот претседател Владимир Путин дека градот Купјанск е целосно опколен од руските сили, оценувајќи ги како „фантазии“.
Во соопштението на Заедничката работна група на украинската војска се наведува дека руските единици навистина се присутни во северниот дел на градот, но дека тврдењата за целосно опколување не се точни.
„Руските сили се обидуваат да напредуваат, но украинските позиции се стабилни и градот не е опколен“, стои во соопштението.
И проектот за мапирање на бојното поле „Deep State“, кој користи јавно достапни извори, потврдува дека според најновите податоци, Купјанск не е под целосна руска контрола ниту е окружен.
