Меѓународната агенција за атомска енергија (МААЕ) соопшти дека нејзиниот тим, кој се наоѓа во најголемата европска нуклеарна централа – Запорожје во Украина – слушнал повеќе експлозии по гранатирање во непосредна близина на објектот.
Генералниот директор на МААЕ, Рафаел Гроси, објави на платформата Х дека новите напади дополнително го зголемуваат ризикот по нуклеарната безбедност, потсетувајќи дека централата речиси две недели е без надворешно електрично напојување.
Запорожската нуклеарна централа, која се наоѓа под руска контрола од почетокот на инвазијата, повеќепати беше мета на напади и исклучувања од електричната мрежа, што предизвикува сериозна загриженост кај меѓународната заедница и нуклеарните експерти.
