Во индустриската зона на градот Кириши, близу Санкт Петерсбург, избувна пожар по напад со украински беспилотни летала, потврди гувернерот на регионот Александар Дрозденко. Противвоздушната одбрана успеала да собори седум дронови, а пожарот веќе е изгаснат.
Ова е втор напад врз рафинеријата Киришинефтеоргсинтез (Кинеф) за неколку недели. Со капацитет за преработка од околу 20 милиони тони нафта годишно, рафинеријата е една од најголемите во Русија и е во сопственост на нафтената компанија Сургутнефтегас.
Извештаи за штета од украински дронови пристигнаа и од јужниот руски регион Воронеж, каде што според гувернерот Александар Гусев биле оштетени покривот и прозорците на индустриска зграда.
Руската војска соопшти дека во текот на ноќта соборила 117 украински беспилотни летала.
![[ФОТО] Eкстремно ретко воено возило забележано на фронтот во Украина – дали знаете за што служи?](https://bulevar.com.mk/wp-content/uploads/2025/04/screenshot-2025-04-24-145035.png)