Не дoзволувај никој да те гази и не трпи понижувања, бори се за себе!

Да не дозволиш никој да те гази, да не дозволиш никој да ја гази таа до тебе. Да не трпиш работи кои те понижуваат, да ја охрабриш таа до тебе да не ги трпи и да се бори за себе. За себе, за таа до неа, за исти плати, за ист третман, за исти услови, за ист однос, за иста почит. За иста работа, ист труд нека се исти пари! Да не дозволиш да ти кажува некој како ќе живееш, со кого, од кога до кога, дека имаш обврски како жена да вршиш домашни работи или да раѓаш едно или осум или ич, тоа е твој избор. Твој избор е да живееш како сакаш и да работиш што сакаш, а наша обврска е да се бориме да бидеме прифатени како еднакви во средините каде што не сме. Како жени. Да се бориме против шовинистичките структури во политичките редови кои се силат на жени со дисциплински мерки само затоа што им се може, да се бориме против копита што тепаат жена во влез затоа што кажала дека е трудна, да се бориме против дркаџии што споделуваат слики од девојки кои им ги пратиле во доверба за да се пофалат дека имаат видено цицка, да се бориме против шефови кои сексуално вознемируваат колешки, да се бориме против средина каде швалерајот е појак од ејчарот, да се бориме против сите наметнати и наследени девијации на општеството полни шовинизам! И да се заблагодариме на сите што помагаат, сите што не разбираат, сите подадени раце и зборови за поддршка од колеги, партнери, другари. Сите мажи и жени кои застанале позади нас кога сме го дигнале гласот за своето право дали на работа или на улица или во политика. Не е 8 март борба само на жените, борба е на цело општество за да бидат жените еднакви, не понижени, не обесхрабрени!
Среќен празник, борбата за еднакви права продолжува! – пишува Ина Многу Фина на Фејсбук.