Израелските одбранбени сили (ИДФ) денеска фрлија десетици бели хартиени летоци од воздух врз градот Газа, јави Би-Би-Си. Ова е дел од обидот да се предупредат жителите пред продолжувањето на израелската копнена офанзива против Хамас.
Израелскиот премиер Бенјамин Нетанјаху истакна дека летоците служат како доказ против обвинувањата дека Израел намерно ги таргетира цивилите. Според него, досега биле испратени „милиони летоци и милиони текстуални пораки“ за да ги убедат луѓето во Газа да се евакуираат.
Проширувањето на израелската офанзива продолжува без прекин, со главен фокус на градот Газа, кој Израел го смета за последното упориште на Хамас.
