Свадбена веселба во Шибеник заврши трагично откако една жена почина од тешки повреди на главата нанесени од сигнална ракета.
Несреќата се случила во саботата навечер, а повредената била веднаш пренесена во Општата болница во Шибеник. И покрај напорите на лекарите, таа им подлегнала на повредите.
Портпаролката на полицијата Сања Баљкас првично изјави дека едно лице е приведено и дека се спроведува истрага, додека жртвата била во болница. Подоцна беше потврдено дека 52-годишен осомничен е уапсен и против него е покрената кривична истрага.
Полицијата извршува увид на местото на настанот и собира информации за да ги утврди сите околности на трагедијата.
Сигналната ракета, која инаку се користи во воена, авијациска и поморска индустрија за означување позиција или испраќање повик за помош, може да биде исклучително опасна поради големата брзина на лансирање – што овој случај трагично го потврди.
