На комеморацијата за конзервативниот активист Чарли Кирк, која се одржа на стадионот Стејт Фарм во близина на Феникс, присуствуваа речиси 100.000 луѓе, меѓу кои и американскиот претседател Доналд Трамп.
Вдовицата на Кирк, Ерика, во емотивен говор истакна дека му простува на убиецот на нејзиниот сопруг, Тајлер Робинсон. „Срцето ми е скршено, но простувам. Одговорот на омразата не е омраза,“ рече таа пред публиката, која ѝ упати долги овации. Таа додаде дека ќе ја продолжи работата на Кирк преку организацијата Turning Point USA и дека ќе го следи неговото евангелско учење за љубов кон непријателите.
Доналд Трамп го опиша Чарли Кирк како „голем американски херој“ и „маченик“. „Тој сега е маченик за американската слобода. Никогаш нема да го заборавиме,“ изјави претседателот, притоа ја прегрна вдовицата Ерика.
Комеморацијата имаше атмосфера повеќе слична на политички митинг или госпел служба отколку на традиционален настан за жалост, со христијански бендови, заедничко пеење и молитви, а говорници од конзервативното движење и администрацијата на Трамп истакнуваа дека 31-годишниот Кирк „обележа една генерација“.
