На 22 септември 2025 година, голем број тетовски села ќе останат без електрична енергија поради планирани технички зафати во мрежата, информираат од електродистрибуција.
Прекините ќе започнат во 09:00 часот и ќе траат до попладневните часови, со различно времетраење по населено место.
Без струја ќе бидат селата: Камењане, Ларце, Чифлик, Желино, Бродец, Бозовце, Вешала, Вејце, Гoлема Речица, Теново и Боговиње.
Во повеќето од овие места прекинот е планиран до 14:00 или 14:30 часот, а во селата Бродец, Бозовце, Вешала и Вејце електричната енергија ќе биде вратена до 15:00 часот.
Од компанијата апелираат граѓаните да ги завршат потребните обврски навремено и да бидат внимателни со електричните уреди за време на рестартирањето на напојувањето.
