Првиот вицепремиер и кандидат на владејачката коалиција ВЛЕН за градоначалник на Општина Чаир, Изет Меџити, оствари средба со магистерката по Политички науки и Дипломатија, Филиз Ндоци, и група жени кои решија да се приклучат на ВЛЕН.
Меџити нагласи дека жените во политиката често остануваат невидливи и нивниот придонес не се вреднува доволно, иако нивната улога е клучна за развојот на општеството. Тој истакна дека присуството на жени носи нови перспективи, чувствителност кон реалните проблеми и решителност за нивно надминување.
„Политиката без жени е непотполна. За да изградиме силна и праведна заедница, потребни се гласови како овие жени, присутни и одлучни. Кога жените се вклучени, промената станува реална и одржлива,“ изјави Меџити.
Средбата е доказ дека ВЛЕН гради инклузивна политика, каде жените не се само учесници, туку клучни фактори на промените во Чаир и пошироко.
