Администрацијата на американскиот претседател Доналд Трамп разгледува можност за продажба на оружје на Израел во вредност од речиси 6 милијарди долари, објави „Wall Street Journal“.
Според извори блиски до случајот, Белата куќа мора да добие одобрување од Конгресот за договорот, кој вклучува 3,8 милијарди долари за 30 борбени хеликоптери AH-64 Apache и 1,9 милијарди долари за 3.250 борбени возила за израелската армија. Првиот предлог беше испратен до Конгресот пред околу 30 дена.
Иако Трамп изразил незадоволство од одлуката на израелскиот премиер Нетанјаху за напади врз функционери на Хамас во Катар, администрацијата инсистира на одобрување на продажбата. Доставата на оружјето, доколку договорот биде потврден, би траела две до три години.
Наредбата за исплата би се покривала од американскиот програм за странска воена помош, а Израел голем дел од американското оружје го купува со средства од американските даночни обврзници преку годишна воена помош.
