Силни експлозии ја потресоа катарската престолнина Доха, по израелски воздушен напад насочен кон врвот на политичкото раководство на Хамас, објавија израелски извори за Times of Israel.
Во соопштение на израелската армија (IDF) и безбедносната служба Шин Бет се наведува дека цел биле клучни членови на организацијата, кои со години ја воделе нејзината активност и се сметаат за директно одговорни за нападите од 7 октомври и за тековната војна против Израел.
Иако официјално не е спомнато името на Катар, нападот дојде веднаш по извештаите за силни детонации во Доха, каде се наоѓа дел од раководството на Хамас.
IDF нагласи дека користел прецизна муниција и обемни разузнавачки податоци со цел да се минимизираат цивилните жртви.
