Најмалку четири лица загинаа, а неколкумина се повредени во вооружен напад во градски автобус во Ерусалим. Според првичните информации, напаѓачите се качиле во автобусот и започнале да пукаат кон патниците.
Пет лица се во критична состојба, соопшти Националната служба за итна медицинска помош на Израел, Маген Давид Адом. Снимки од местото на настанот покажуваат голем број полицајци присутни на местото.
Двајцата напаѓачи се неутрализирани, а според „Тајмс оф Израел“, се сомнева дека станува збор за терористички напад. Полициските извештаи наведуваат дека нападот го извршиле најмалку двајца вооружени лица.
Се очекуваат дополнителни информации за мотивите на нападот и бројот на повредени.
