Според украинската воена разузнавачка служба (ГУР), на територијата на Украина моментално се наоѓаат околу 700.000 руски војници, од кои најголемиот дел се концентрирани во регионот Донецк – главен приоритет на Кремљ, изјави портпаролот Андриј Јусов.
Бројката опфаќа не само редовни единици, туку и сили за поддршка, специјални служби и Руската национална гарда. Јусов додаде дека севернокорејските војници се борат само на руска територија.
Минатата есен стана познато дека Пјонгјанг испратил околу 12.000 војници, а оваа пролет уште 3.000. Според британското разузнавање, од март севернокорејските трупи претрпеле над 5.000 жртви во борбите во Курската област.
