Од денеска, на патниот правец Гостивар – Тетово и обратно, од патарина Тетово до патарина Гостивар, се воведува времен изменет сообраќаен режим поради градежни истражувачки работи, информира АМСМ.
Компанијата Виадукт Трејд – Дооел започна со нова фаза на активности на мостот Здуње, на државниот пат А2, делница Гостивар – Стража. Во наредните шест месеци сообраќајот ќе се одвива со времен семафор и наизменично пропуштање на возилата.
АМСМ апелира до возачите на оваа и на други делници, како Катланово – Велес, Маврово – Дебар – Струга, Виница – Берово и Кочани – Делчево, да ја прилагодат брзината, да ги почитуваат поставените сообраќајни знаци и внимателно да управуваат со возилата, особено низ котлините, речните долини и клисурите каде постои опасност од одрони.
Интензитетот на сообраќајот надвор од градовите е зголемен поради летните одмори, но на граничните премини нема подолги задржувања за влез и излез од државата.
