Американскиот претседател Доналд Трамп изјави дека веројатно нема повторно да се кандидира за функцијата, иако, како што рече, би сакал.
Во интервју објавено денеска од американската телевизија CNBC, Трамп изјави: „Не. Веројатно не. Би сакал. Имам најдобар рејтинг во анкетите досега.“
Трамп претходно често се пофалуваше со својата победа на претседателските избори во 2024 година, нагласувајќи дека резултатите во Тексас поставиле рекорд што, според него, нема да биде надминат доколку не се кандидира повторно.
Телефонскиот разговор со CNBC главно се фокусираше на економски теми, меѓу кои и можноста за зголемување на царините кон Индија во рок од 24 часа, како и најави за воведување 200% данок на увоз на фармацевтски производи од Европската Унија. Трамп, исто така, се осврна и на потенцијалниот избор на нов претседател на Федералните резерви на САД.
