Попладнево силни врнежи од дожд придружени со интензивен град погодиле неколку региони во Косово, предизвикувајќи поплави и прекини во снабдувањето со електрична енергија.
Најпогодени се подрачјата на Брезовица, Гњилане, Феризај и неколку села во општина Ѓаковица. Слики споделени на социјалните мрежи прикажуваат поплавени улици и дворови, каде нивото на водата достигнува високи размери, а градот формирал дебели слоеви на повеќе локации.
Во туристичкиот центар Брезовица, главниот пат кон комплексот е непрооден поради обилните дождовни поплави. Градот Гњилане исто така се соочува со сериозни последици од екстремните временски услови.
Локалните власти апелираат до граѓаните да бидат внимателни и да ги следат упатствата за безбедност.
