Министерот за животна средина и просторно планирање, Изет Меџити, денеска најави голема инвестиција вредна над 1,4 милиони евра за изградба на нова водоводна, атмосферска и канализациска мрежа во населбата Дуќанџик.
„Ова е вистинска трансформација на основната инфраструктура која директно ќе го подобри квалитетот на животот на граѓаните во оваа населба“, изјави Меџити.
Проектот е финансиран од Владата на Република Северна Македонија и Министерството за животна средина, во соработка со Европската инвестициска банка (EIB).
„Сме на терен, сме во акција и нема запирање. Дуќанџик се гради со нови стандарди и со забрзано темпо“, порача министерот.
Изградбата на новите инфраструктурни мрежи е дел од пошироката стратегија за унапредување на урбаното живеење и еколошките услови во урбаните и руралните средини.
