Полупразни плажи, празни кафулиња и паника меѓу угостителите – така изгледа летото на црногорското крајбрежје во јули 2025 година. Иако крајот на месецот се наближува, туристичката сезона не ни започнала како што се очекуваше. Цените остануваат вртоглави, додека гостите од Србија и Босна – од кои живее локалниот туризам – се речиси исчезнати.
Лежалки за 200 евра, сместување од 40 до 90 евра, кафе три пати поскапо на плажа отколку во внатрешноста. И сето тоа – за кого? Локалните велат дека странските гости, иако присутни, не трошат многу. „Само Србите не штедат на одмор“, велат мештаните, загрижени за иднината на сезоната.
Сопствениците на апартмани, кафулиња и плажни објекти веќе стравуваат од банкрот. „Сè личи на пандемиските денови“, предупредуваат. А вината, според нив, е во скапите цени и политиката. Страв од отпуштања, поскапувања и неизвесна иднина ги задржуваат туристите дома.
„Ова веќе не е туризам, ова е преживување“, порачуваат угостителите, надевајќи се дека август ќе ги спаси. Но со секој ден без гости – таа надеж бледее.
