Нови строги казни во Грција – казни до 1.500 евра за возачи без задолжителна опрема
Доколку летово планирате да патувате со автомобил во Грција, особено со деца, важно е да бидете внимателни – грчката полиција воведе засилени контроли и строги казни за секое прекршување на сообраќајните прописи.
На мета се сите возачи кои не поседуваат целосна и исправна задолжителна опрема во возилото. Според новите прописи, задолжително мора да имате:
Противпожарен апарат (тип S2 – 2 кг)
Комплет за прва помош со валиден рок на траење
Сигурносен триаголник
Резервна гума или сет за итна поправка на гума
Рефлектирачки елек, кој мора да се наоѓа во внатрешноста на автомобилот (не во багажникот)
Невоспоставената опрема може да ве чини до 1.500 евра казна, а контролите се особено зачестени во летниот период и на фреквентни туристички патишта.
Сообраќајната полиција ги предупредува возачите да ја проверат опремата пред тргнување на пат, за да избегнат непријатности, а особено се апелира до семејствата кои патуваат со деца – безбедноста секогаш на прво место.
