Google постојано го снима вашиот глас – еве како да ја исклучите оваа опција

Google ги снима вашите гласовни команди – еве како да го исклучите тоа

Технолошкиот гигант Google користи напредни системи за автоматско снимање на гласовни команди на корисниците, кои потоа ги користи за унапредување на услугите како што се пребарувачот, виртуелниот асистент и мапите. Иако оваа пракса е насочена кон подобрување на технологијата за препознавање говор, многумина не се ни свесни дека нивните гласовни снимки автоматски се складираат во нивните Google-профили.

Овие податоци, според компанијата, се користат за подобрување на точноста при интеракција со уредите, но тоа отвора сериозни прашања за дигиталната приватност.

Техничкиот експерт и претприемач Џефри Кастиљо неодамна сподели едноставен начин како корисниците можат да го исклучат ова автоматско снимање и да го заштитат својот личен простор.

Како да го исклучите снимањето на гласовни активности:

Отворете ја апликацијата Google.

Кликнете на „Manage your Google Account“ (Управувај со твојот Google профил).

Изберете ја секцијата „Податоци и приватност“.

Влезете во „Поставки на историја“.

Кликнете на „Активност на мрежа и апликации“.

Исклучете ја опцијата „Вклучи гласовни и аудио-активности“ со отстранување на сината штикла.

Од Google потврдуваат дека, со деактивирање на оваа функција, гласовните интеракции повеќе нема да се снимаат и складираат – дури и кога корисникот е најавен на својот профил.

Оваа информација предизвика бурни реакции меѓу корисниците, особено кај оние кои се загрижени за заштитата на приватноста и се сомневаат во транспарентноста на технолошките компании кога станува збор за собирање лични податоци.