Поранешниот руски министер за транспорт, Роман Старовоит, е пронајден мртов само неколку часа откако беше разрешен од функцијата, јавуваат руските медиуми.
Според информациите на државната агенција РИА Новости, неговото тело било пронајдено денеска, а во близина е откриено огнено оружје. Засега нема официјална потврда за причините за смртта.
Старовоит беше разрешен од претседателот Владимир Путин по серијата инциденти и хаос во рускиот авиосообраќај, кои настанаа поради украинските напади врз инфраструктурата. Илјадници патници останаа заглавени на аеродромите, беа откажани 485 летови, 88 беа пренасочени, а повеќе од 1.900 доцнеле.
Кремљ досега не излезе со објаснување за смената на министерот, ниту пак за околностите поврзани со неговата смрт.
