Во строгото централно подрачје на Белград, на адреса Кнез Михаилова 10, утрово бил забележан инцидент при што дел од надстрешница пред една парфимерија се урнал, јавува N1 Србија.
Според првичните информации, обрушувањето најверојатно се случило во текот на ноќта. Вработена во објектот изјавила дека за време на денот сè изгледало нормално и дека немало знаци на опасност.
На самото место интервенирале надлежните служби, кои поставиле заштитна лента со натпис „внимание, опасност“ и го затвориле тој дел од улицата за пешаците.
Дел од урнатиот материјал се наоѓа на шеталиштето, а еден сегмент од оштетената конструкција сè уште виси, претставувајќи дополнителен ризик за минувачите.
Инспекциските служби се на терен и се очекува официјален извештај за причините на инцидентот, како и евентуални мерки за санација. Среќна околност е што нема повредени лица.
