Доаѓањето на вакцините против ковид-19 од Србија, кое требаше да се случи утре на граничниот премин Табановце е одложено. Заради неопходна дополнителна техничка документација се одлага примопредавањето на вакцините од Србија за Северна Македонија, соопштија доцна вечерва од кабинетот на српскиот претседател Александар Вучиќ, јави дописникот на МИА од Белград
Примопредавањето на вакцините ќе биде реализирано во наредните денови. Првично беше договорено примопредавањето на донацијата на вакцини од Србија да се изврши во текот на утрешниот ден, од српскиот претседател Александар Вучиќ и премиерот Зоран Заев, на граничниот премин Табановце
Станува збор за првата пратка вакцини против ковид-19 со вкупно 8.000 вакцини на „Фајзер“.
Поради усогласување на техничка документација се одложува пристигнувањето на вакцините од Србија, соопштија од владата.
ВЕ ИЗВЕСТУВАМЕ ДЕКА ЗАРАДИ ПОТРЕБАТА ОД УСОГЛАСУВАЊЕ НА ТЕХНИЧКА ДОКУМЕНТАЦИЈА ОКОЛУ ДОСТАВУВАЊЕТО НА ВАКЦИНИТЕ, НАСТАНОТ КОЈ БЕШЕ НАЈАВЕН ЗА УТРЕ, 11.02.2021 ГОДИНА (ЧЕТВРТОК), НА ГРАНИЧНИОТ ПРЕМИН ТАБАНОВЦЕ СЕ ОДЛОЖУВА ЗА ДРУГ ДАТУМ СЛЕДНИТЕ ДЕНОВИ, ЗА ШТО ДОПОЛНИТЕЛНО ЌЕ ИНФОРМИРАМЕ.“, СЕ ВЕЛИ ВО СООПШТЕНИЕТО ОД ВЛАДАТА ИСПРАТЕНО ДОЦНА ВЕЧЕРВА.
