![Полициска бруталност во Белград: 30 полицајци напаѓаат едно момче [ВИДЕО]](https://bulevar.com.mk/wp-content/uploads/2025/07/screenshot-2025-07-03-110828.png)
Синоќа на неколку локации низ Белград, српската полиција спроведе масовни апсења на студенти и граѓани кои ги блокираа улиците и клучните сообраќајници. Освен кај Правниот факултет и споменикот на Вук Караџиќ, особено бурно било во Устаничка улица, каде, според сведоштва и видеа, полицијата употребила прекумерна сила.
На социјалните мрежи, особено на Instagram-страницата „serbialive_beograd“, се појави видео на кое се гледа група полицајци во борбена опрема како бркаат еден човек, го фрлаат на земја и го удираат со палки, иако тој не покажува отпор.
На снимката јасно се гледа дека уапсениот граѓанин бил сам, опколен од бројно полициско присуство. Видеото, снимено од прозорец на една зграда, предизвика лавина реакции во јавноста.
„Гревови сте, триесет на еден човек! Срам ми е од вашата срамота. Овој народ сам ја плаќа вашата бруталност“, напиша еден од корисниците на социјалните мрежи. Други пак, посочуваат на двојните стандарди – дека вистинските насилници и заканувачи не се санкционираат, додека граѓаните се казнуваат со полициска сила.
Настанот предизвика осуда од бројни активисти и правни експерти, кои побараа итна истрага за прекумерната употреба на сила и одговорност од надлежните. Случајот повторно го отвори прашањето за односот на институциите кон правото на протест и полициската неказнивост во Србија.
View this post on Instagram
