Во планинско село кај Бољевац на истокот од Србија во трошна куќа живее 86-годишната М.З. позната по тоа што неодамна, сосема изненадно, станала милионерка. Во пресрет на Новата година на нејзината сметка, во вид на наcледство од веќе заминатиот сопруг, уплатени и се 940.000 австралиски долари.
Старицата наследила и недвижнини во Австралија вредни неколку милиони долари. Случајната милионерка, која досега живеела од пензија во износ од 10.000 динари (околу 5.000 денари), не сакала да разговара со новинарите, но нејзината необична приказна ја знаат сите на село.
Кон крајот на 1960-тите години М.З. и нејзиниот сопруг заминале на печалба во Австралија. Жената после неколку години се вратила во Србија и продолжила со животот на село, а мажот во Австралија повторно се оженил иако во Србија законски никогаш не се разделил од М.З.За време на својот живот во Австралија стекнал огромно богатство.
Го загубил животот 2011 година, а неговата нова сопруга пред него. Австралијанците по заминувањето на брачниот пар се дале во потрага по наследниците и ја пронашле сиромашната М.З.
Парите и ги префрлиле на сметка во банка преку која инаку ја прима пензијата. Пред неколку дена старицата подигнала неколку илјади евра како би ги решила долговите:
– На пат до дома и испаднаа две банкноти околу петстотини евра. Не се врати за да ги побара. Само рече „кој ќе бара пари сега по овој студ“.
