И покрај одлуката на Уставниот суд со која беше прогласено за противуставно разделувањето на резидентни и нерезидентни лица, Демократската унија за интеграција (ДУИ) не дава никаков одговор и не открива кој ја донесе одлуката за бришење на албанската дијаспора од пописот на населението во 2021 година. За каква цена беа продадени Албанците во овој валкан политички пазар?
Коалицијата ВЛЕН ќе бара кривична одговорност од сите кои без законска основа измислија категорија „нерезидентни“ жители, надминувајќи ги своите надлежности и со цел да ја исклучат дијаспората од официјалните податоци.
Јавноста се информира дека не е разгледуван процес на нов попис пред редовниот рок и дека нема да има нов попис следната година. Секој нареден попис треба да биде резултат на длабоки анализи и политички консензус. Следниот попис ќе го коригира измамниот пристап на ДУИ и СДСМ и ќе обезбеди фер, вклучувачки и прифатлив процес за сите страни.
ВЛЕН останува цврсто во одбрана на албанската дијаспора, која со децении претставува столб на економското, социјалното и националното опстојување на Албанците во Република Северна Македонија. Тие не се „нерезидентни“ жители, туку неразделен дел од нацијата и директни придонесувачи во развојот на земјата.
Предавството што ДУИ ѝ го направи на нашата дијаспора никогаш нема да се заборави. Тоа е црна дамка во политичката совест на оваа партија. Но сега, по одлуката на Уставниот суд, достоинството на секој Албанец е вратено. Ова е победа на вистината и правдата. Албанската дијаспора е и ќе остане легитимен дел од националното одлучување.
ВЛЕН секогаш ќе застане на нејзина страна.
