Во главниот град на Иран, Техеран, денес, 28 јуни, беа одржани масовни погребни церемонии за воени команданти, научници поврзани со нуклеарната програма и цивили кои ги загубија животите за време на 12-дневниот вооружен судир со Израел.
Според информациите објавени во иранските медиуми, во Техеран беа погребани над 60 граѓани на Иран, а на церемонијата присуствуваше и новоизбраниот претседател Масуд Пезешкијан.
Како што јавува дописникот на агенцијата „Спутник“, илјадници граѓани учествуваа во поворката која се движеше низ централните улици на главниот град, носејќи портрети и транспаренти со ликовите на загинатите.
Меѓу погребаните имаше истакнати нуклеарни експерти и високи армиски старешини. Меѓу нив беа и началникот на Генералштабот на вооружените сили на Иран, Мохамад Багери, како и командантот на Централниот штаб „Хатам ал-Анбија“, Али Шадмани, заедно со неколкумина други високи офицери.
Погребната церемонија доби големо внимание во иранската јавност, а беше проследена со повици за национално единство и отпор.
