Нова драма се случи во рамки на Комплексот клиники „Мајка Тереза“ во Скопје, каде што двајца вработени влегоа во конфликт кој заврши со физички напад.
Како што информира МВР, вчера во 18:00 часот во СВР Скопје била пријавена физичка пресметка во Ургентниот центар. С.А. (51) од Скопје пријавила дека била нападната од својот колега Г.В., кој исто така е вработен во истиот комплекс.
Полицијата потврдува дека презема мерки за целосно расчистување на случајот и утврдување на околностите кои довеле до инцидентот во здравствената установа.
