Американското воено воздухопловство по години развој ја претстави новата стратешка крстосувачка ракета со нуклеарна моќ – AGM-181A, која ќе стане дел од вооружувањето на легендарниот бомбардер B-52. Ракетата, позната како LRSO (Long Range Stand Off), е дизајнирана како замена за дотраениот модел AGM-86B што е во употреба уште од времето на Студената војна.
Производството и развојот на новата ракета го води американската одбранбена компанија Raytheon, која во април 2020 доби договор од Министерството за одбрана на САД. Веќе во 2021 година, Raytheon потпиша договор со фиксна цена за фазата на инженеринг и развој на производството, со вкупна вредност што со дополнителни опции би можела да достигне до две милијарди долари.
AGM-181A е проектирана за долгорочна употреба и ќе може да се лансира од значителна оддалеченост, што ѝ овозможува на армијата да дејствува без директен ризик по носачкиот авион. Таа е дел од пошироката американска стратегија за модернизација на нуклеарниот арсенал, при што B-52 останува столб на воздушната компонента на нуклеарната тријада.
