Израелскиот министер за одбрана упати остро предупредување до Иран, велејќи дека „граѓаните на Техеран ќе ја платат цената, и тоа многу брзо“, како реакција на последниот ракетен напад врз израелска територија.
Изјавата следи по уште една тешка ноќ, во која ирански ракети погодија цели во Израел, при што, според извештаите, загинаа најмалку пет лица во најголемиот израелски град.
На платформата Х (поранешен Твитер), министерот Израел Кац остро го нападна врховниот лидер на Иран, ајатолахот Али Хамнеи, нарекувајќи го „кукавички убиец кој извршува целни напади врз цивилни домови во Израел“, пренесува „Скај њуз“.
