По масовните израелски воздушни напади врз Техеран, главниот град на Иран се претвори во зона на паника и хаос. Илјадници граѓани се обидуваат да го напуштат градот, создавајќи долги колони и гужви на бензинските пумпи и автопатиштата.
Според извештајот на BBC, продавниците се затвораат, а жителите, вознемирени и без информации од властите, бараат спас во рурални и побезбедни региони.
„Само слушаме експлозии. Нема никакво предупредување. Не знаеме дали нашиот дом ќе биде следниот. Само сакаме да преживееме“, изјави еден од жителите.
Една жена која успеала да го напушти градот вели: „Ова не е моја војна. Не навивам за никоја страна, сакам само безбедност за моето семејство.“
На социјалните мрежи и апликации за пораки, Иранците се организираат во групи, споделуваат информации за безбедни рути и заедно се обидуваат да го напуштат Техеран, кој сè повеќе личи на воена зона без контрола.
