Туристичката атракција во Кападокија, Турција, денеска се претвори во трагедија кога при лет над долината Ихлара дошло до несреќа со воздушни балони. Според првичните информации, загинал еден од пилотите на балоните, а уште 19 лица се повредени.
Инцидентот се случил во текот на туристички лет, дел од популарната понуда во регионот познат по уникатните карпести формации и спектакуларните панорамски погледи. Сведоци изјавуваат дека временските услови нагло се промениле, што можеби придонело за несреќата.
Екипи за итна помош веднаш интервенирале на местото на настанот, а повредените се пренесени во блиските болници. Турските власти започнаа истрага за утврдување на причините за падот.
Кападокија секоја година привлекува илјадници туристи токму поради балонските летови, кои сега се ставени под прашање поради оваа несреќа.
