Според најновиот Извештај за глобалното богатство 2024 на швајцарската банка UBS, нееднаквоста во богатството низ Европа од 2008 до 2023 година значително варира по земји. Во некои земји јазот меѓу богатите и сиромашните се зголемил, додека во други е забележано благо намалување.
Податоците на Европската централна банка покажуваат дека најбогатите 10% во Еврозоната поседувале 57,3% од вкупното нето богатство во последниот квартал од 2024 година, што е за 2,8 процентни поени повеќе од 2009 година.
Според индексот Џини, кој ја мери нееднаквоста (0 е совршена еднаквост), во 2023 година Шведска имала највисока нееднаквост со индекс 75, следни се Германија (68), Швајцарија (67) и Австрија (65). Белгија била наједнаква (46), а Италија и Шпанија по 57.
Најголем раст на нееднаквоста забележале Финска (+21%) и Шпанија (+20%), додека Белгија ја намалила најмногу (11%). Во Финска, причината за зголемување на нееднаквоста е промената во структурата на имотот, каде што се зголемува уделот на финансиската актива, која е концентрирана кај богатите.
Уделот на најбогатите 10% во богатството е особено висок во Шведска (74,4%), додека во Белгија е 43,5%.
Извештајот нагласува дека нееднаквоста сама по себе не кажува сè, бидејќи важно е и апсолутното ниво на богатство – не само колку е нееднакво распределено, туку и колку богатство воопшто има.
