Велика Британија е земјата која на секое родено лице помеѓу 1. септември 2002. и 1. јануари 2011. година ќе им овозможи неоданочлив приход, дел од детскиот фонд.
После 15 години, конечно е време да се “скрши” касичката вредна 12 милијарди долари. Британските тинејџери кои наполниле 18 години, од вчера започнуваат да примаат исплати од експерименталниот програм за штедење, донесен во времето кога Тони Блер бил премиер. Детските доверливи фондови подразбираат сметка која ја отворила државата со почетни грандови, во распон од 250 фунти за децата во доброситуирани семејства до 500 фунти за оние во домаќинства со ниски приходи.
Тоа значи дека Британија на секое лице родено помеѓу 1. септември 2002. и 1. јануари 2011. година ќе му овозможи неоданочлив приход, со кој на голема врата влегуваат во светот на возрасните. Осумнаесетгодишниците ќе имаат пристап до состојбата на сметка која се движи од околу 1.000 фунти (1.330 долари) до 70.000 фунти, во зависност од начинот на кој со нив ќе управуваат, според проценките на лондонската сметководствена фирма “Moore Kingston Smith”.
Со околу 55.000 луѓе месечно кои ги откупуваат своите доверителни фондови за деца до 2029. година, програмот е подготвен да влијае на финансискиот живот на младите британци.
Власти и во други земји разгледуваат слични иницијативи, бидејќи економските проблеми предизвикани со коронавирусот поттикнуваат нови погледи на универзален основен доход и други облици на директни готовински плаќања како вид на социјална заштита, пишува Србија Данас.
