На денешниот протест за „Јавна соба“ адвокатката Марта Гуслар која воедно и е една од жртвите на телеграм групата посочи дека таа група не е забава, туку станува збор за кривично дело, се обрати со апел за еднаков третман и постапување на надлежните институции.
Како резултат на тоа што застапувам жртви на семејно насилство, и можни видови на насилство, станав и јас жртва на „Јавна соба“, мојот службен број беше споделуван за „дискретни средбички“, така ми пишуваа“, вели адвокатката Марта Гуслар.
Таа посочи дека откако дознала дека бројот и е споделуван за истото, не можела да се соземе и иако пријавила веднаш приложувајќи скринови од телефонските броеви кои и пишувале на Вибер апликација, за сексуално вознемирување.
Таа вели дека иако службите веднаш постапиле во нејзиниот случај иако таа знаела како адвокат да се заштити и веднаш постапила, апелираше за еднаков третман во сите случаи, како и да им се укаже на сите оние кои правовремено не знаат како да се заштитат, а се жртви на ваков вид на кривично дело.
-Јавна соба не е забава, тоа е класично кривично дело кое навистина мора да се третира како такво, апелирам до сите жртви и девојки кои ќе дознаат или знаат дека се таму, по објавување на нивни фотографии следуваат телефонски повици и барања за дискретни средби, на првиот повик кои ќе го имаат веднаш да меморираат телефоонски броеви и веднаш да пријавуваат во полиција со скрин од бројот кој повикува – апелираше адвокатката Гуслар.
