Од ноќеска поевтинуваат бензините и дизелот за половина денар
Регулаторната комисија за енергетика, водни услуги и услуги за управување со комунален отпад соопшти дека од полноќ (3 јуни 2025 година, од 00:01 часот) се намалуваат цените на нафтените деривати.
Според новата одлука, малопродажните цени на бензините ЕУРОСУПЕР БС-95 и ЕУРОСУПЕР БС-98, како и на дизелот ЕУРОДИЗЕЛ (Д-Е V) и екстра лесното масло за домаќинство (ЕЛ-1), се намалуваат за 0,50 денари по литар.
Новите цени ќе изнесуваат:
ЕУРОСУПЕР БС-95: 74,50 денари/литар
ЕУРОСУПЕР БС-98: 76,50 денари/литар
ЕУРОДИЗЕЛ (Д-Е V): 65,00 денари/литар
Екстра лесно масло за горење (ЕЛ-1): 67,50 денари/литар
Од друга страна, цената на мазутот М-1 НС се зголемува за 0,429 денари по килограм и ќе изнесува 37,862 денари/кг.
Новите цени се донесени врз основа на методологијата за пресметка, која ги следи промените на светските берзи и курсот на денарот во однос на американскиот долар.
