Надразнетост на кожата, постојан замор, главоболки и несоница се само некои од предупредувачките знаци дека телото ви е преоптоварено со штетни материи. Според стручњаците, овие симптоми укажуваат дека е време да обрнете внимание на здравјето и да започнете со процес на детоксикација.
1. Несоница
Несоницата често е поврзана со натрупување на токсини, особено со нарушено функционирање на црниот дроб. Ако тешко заспивате или често се будите во текот на ноќта, време е да го поддржите црниот дроб со исхрана богата со растителни влакна и сулфурни соединенија – брокулата, карфиолот и лукот се идеални за таа цел.
2. Летаргија и замор
Ако се разбудите уморни и се чувствувате без енергија во текот на целиот ден, можно е токсините да му ja одземаат енергијата на вашето тело. Наместо да се потпирате на кофеин, внесувајте повеќе интегрални житарки – тие се богати со витамини од Б-групата кои го поттикнуваат менталниот фокус и ја враќаат енергијата.
3. Главоболки
Чести и упорни главоболки може да бидат последица на задржување токсини во организмот. Иако во текот на процесот на прочистување тие може привремено да се засилат, по успешно исфрлање на штетните материи, главоболките најчесто исчезнуваат или значително се намалуваат.
4. Проблеми со кожата
Кожата е еден од најчувствителните индикатори за внатрешна нерамнотежа. Појава на осипи, акни или невообичаени иритации може да значи дека телото се обидува да се ослободи од токсини преку кожата – знак дека ви е потребна детоксикација.
5. Жолт или бел слој на јазикот
Состојбата на јазикот често укажува на состојбата на дигестивниот систем. Жолт или бел слој може да биде сигнал дека храната што ја внесувате содржи токсични материи што го нарушуваат варењето. Оваа појава најчесто е знак за преоптовареност на цревниот тракт.
6. Натрупување масно ткиво околу стомакот
Токсините од храната, воздухот и водата можат да се акумулираат во стомачната регија, каде телото ги складира во масното ткиво како заштитен механизам. Единствениот начин да се ослободите од нив е преку целосна детоксикација.
7. Чувство на внатрешна топлина и прекумерно потење
Кога во телото има вишок токсини, еден од природните механизми за нивно исфрлање е преку пот. Ако често чувствувате вжештеност или се потите дури и на пониски температури, телото веројатно се обидува да ги исфрли штетните материи преку кожата.
Детоксикацијата не е само моден тренд, туку неопходен процес за поддршка на здравјето. Доколку препознаете некој од овие симптоми, време е да и дадете предност на чиста исхрана, внес на повеќе течности и намалување на стресот – чекори кои го зајакнуваат телото и му овозможуваат да се избори со токсините.
