Најмалку 15 лица се повредени во масовниот руски напад со беспилотни летала врз Киев, објави градоначалникот Виталиј Кличко.
Според него, делови од дроновите паднале врз згради, а на неколку места избувнале пожари.
Шефот на воената администрација на градот Киев, Тимур Ткаченко, денес на својот Телеграм канал објави дека 15 лица се ранети во масовен напад на руски беспилотни летала врз Киев.
Според него, „непријателот ги усовршува сопствените тактики на користење беспилотни летала, а во исто време извршува напади со балистички ракети“, пренесува Укринформ.
„Од 8:00 часот наутро, познато е дека остатоците од соборен дрон паднале на неколку локации во округот Голосеев. Едно лице е повредено, а пет автомобили се оштетени. Пријавен е пожар на 4-тиот и 5-тиот кат од станбена зграда во округот Соломјан. Седум лица се повредени, едно лице е спасено“, рече Ткаченко и потврди дека пожарот е локализиран.
