Еден месец нè дели од летото, иако многу Македонци веќе на крајот на мај започнуваат со одморите, многумина од нив прават дестинации во Грција, преминувајќи ја границата кај Богородица.
Како и претходните години, Грција останува една од најпопуларните туристички дестинации за македонските туристи, каде што голем број од нас ќе го поминат својот годишен одмор. Сепак, како што обично се случува, многумина се загрижени за порастот на цените на лежалките, храната и пијалоците, па затоа внимателно се планира буџетот пред заминувањето.
Една од понудите која оваа година особено ги привлече вниманието на нашите туристи доаѓа од Неи Пори – популарно летувалиште во Грција, сместено под планината Олимп и на само 160 километри од македонската граница.
Тука, за само пет евра, можете да уживате во чадор, лежалка, кафе, крофна и шише вода. Некои туристи го споредуваат ова со цените од минатата сезона и забележуваат мал пораст, но 50 центи повеќе не се ништо во споредба со поскапувањата на другите места.
„Колку за споредба, во Лептокарија за две кафиња ќе платите 10 евра, а за истите пари ќе добиете и гратис вода и лежалки, но кои можете да ги користите само три часа“, коментира еден српски турист на социјалните мрежи.
