Претседателот на Украина Володимир Зеленски пристигна во турската престолнина Анкара на разговори со претседателот Реџеп Таип Ердоган.
Украинскиот претседател слезе од авионот, каде што на пистата го пречекаа припадници на турската војска.
Се очекува билатералната средба меѓу Зеленски и Ердоган да се одржи во рок од еден час.
Откако излезе од авионот, украинскиот претседател Володимир Зеленски одржа краток говор на пистата на аеродромот „Есенбога“ во Анкара, Турција.
Тој додаде дека Украина е во контакт со американската делегација во врска со преговорите со Русија.
Зборувајќи за руската делегација во Истанбул, Зеленски рече:
„Официјално, не знам на кое ниво се претставниците. Но, од она што го видовме, тие изгледаат како статисти.“
Зеленски додаде дека Украина ќе одлучи за следните чекори по неговата средба со турскиот претседател Реџеп Таип Ердоган.
Русија: Турција ги одложи преговорите за попладне
Предожените разговори меѓу Русија и Украина во Истанбул се одложени за денеска попладне на иницијатива на турската страна, изјави портпаролката на руското Министерство за надворешни работи, Марија Захарова.
Рускиот претседател Владимир Путин предложи директни разговори со Украина во Истанбул во недела.
Путин во средата изјави дека испраќа делегација во која тој нема д абиде вклучен.
Зеленски претходно оваа недела изјави дека е подготвен да разговара со Путин само ако е доволно храбар.
Кремљ одговори дека Русија не се согласува со ултиматуми. Двете страни последен пат одржаа директни разговори во март 2022 година, исто така во Истанбул, само неколку недели откако Путин нареди инвазија на Украина.
Двете страни се обидуваат да му докажат на американскиот претседател Доналд Трамп дека се сериозни во врска со мировните напори.
Американскиот претседател моментално е на турнеја низ Блискиот Исток, а изјави дека ќе дојде во Турција еден ден подоцна доколку тоа биде соодветно.
Потврденото отсуство на Путин ги намали очекувањата за разговорите. Зеленски сака веднаш 30-дневен прекин на огнот, додека Путин сака прво да започне разговори, а потоа да ги разработи деталите за прекинот на огнот.
