Изборот на новиот папа чини 2,5 милиони евра: Секој ден чекање вреди 75.000 евра
Процесот на избор на нов папа, познат како конклава, е долг, таен и скап настан, а трошоците растат со секој ден на чекање. Според експерти, дневните трошоци за избор на новиот папа се проценуваат на 50.000 до 75.000 евра, што значи дека за десет дена конклава може да чини до 700.000 евра, додека ако изборот трае еден месец, трошоците се зголемуваат на 2 до 2,5 милиони евра.
Конклавата вклучува сместување на над 100 кардинали, обезбедување на приватност и безбедност, логистички трошоци, како и церемонијални трошоци за подготовка на Сикстинската капела. Техничката подготовка на капелата, која започнува месеци пред конклавата, вклучува инсталирање на електронски блокирачи и безбедносни системи.
Надминувањето на изборот на папа понекогаш трае долго. Најдолгиот процес во историјата се случил во 13-ти век и траел речиси три години. Сегашниот процес, иако симболично аскетски, подразбира голема организација и ангажирање на многу луѓе.
Трошоците за организација на конклавата во Ватикан се проценуваат помеѓу 1,5 и 3 милиони евра, зависно од времетраењето на процесот. Ватикан можеби не плаќа даноци, но изборот на новиот папа носи значителни финансиски и политички последици за Црквата.
