Запленети 85 килограми кокаин на терминалот Брајдица во Риека
Хрватската царина и полиција запленија 85 килограми кокаин на контејнерскиот терминал Брајдица во Риека, во контејнер кој пристигнал од Еквадор преку Малта. Според проценките, вредноста на запленетата дрога изнесува околу 2,1 милиони евра, додека на улица нејзината вредност би можела да достигне дури и до 6 милиони евра.
Дрогата била откриена при редовна контрола на сомнителен контејнер, а по завршување на анализата, истата ќе биде уништена.
За акцијата и соработката меѓу царинските и полициските служби зборуваа началникот на Регионалната царинска испостава Риека, Андреј Франуловиќ, инспекторот од мобилната единица Риека, Хрвоје Матаја, и началникот на Службата за борба против нарко криминал при Полициската управа Приморје-Горски Котар, Далибор Јозиновиќ.
Франуловиќ изјави дека кокаинот бил натоварен на брод уште во март, во еквадорско пристаниште, а конечната дестинација била Хрватска. Оваа заплена претставува дел од пошироките активности за спречување на шверцот на дрога преку хрватските пристаништа.
