[ФОТО] Апокалиптични сцени после невремето во Србија – издадено предупредување за силно невреме

Републичкиот хидрометеоролошки завод (РХМЗ) издаде предупредувања за интензивни врнежи од дожд, грмотевици и град, кои предизвикаа сериозни проблеми во Србија.

Во центарот на Младеновац се урна покрив на зграда, при што падна на автомобил, но за среќа нема повредени. На лице место интервенираат пожарникарите.

Невремето предизвика поплави во Ваљево, а во Велики Црљени соборено дрво го блокираше патот. Врнежи и град погодиле и други делови на земјата, вклучувајќи Обреновац, Топола и Белград.

РХМЗ издаде итни предупредувања за интензивни врнежи од дожд со грмотевици, краткотраен град и засилен ветер во региони како Колубара, Бор и Мачва. Невремето ќе продолжи да се шири низ земјата, а локални интензивни врнежи се очекуваат и во Белград, Ваљево и Зајечар.

Како што беше најавено, денес се очекуваат нестабилни временски услови, со потенцијални локални поплави и град. Од среда, времето ќе се стабилизира, но ќе остане променливо облачно и нестабилно, со повремени врнежи и пониски температури.