Непребол…
Преголема болка што сите ја чувствуваме…
Пејачот Андреј Ѓорѓиески задно со уште седум членови од неговиот бенд ДНК почина во страшниот пожар во Кочани.
Несреќата се случи на 16 марти и однесе 62 животи во пожарот што избувна во дискотеката „Пулс“ за време на концертот на ДНК.
Траорната несреќа што тогаш се случи во Кочани ги погоди семејствата и блиските на загинатите, но и граѓаните на цела Македонија кои со денови беа шокирани, но и неутешни од преголемата болка.
Во чест на загинатите се палеа свеќи низ градовите како во Македонија, така и во регионот, а песните на ДНК во тага се слушаа насекаде.
Сега, Андреј чиј живот згасна во страшниот пожар доби мурал и тоа токму онаков како заслужува и каков ќе го памтиме.
Имено, неговата сопруга Наталија Ѓорѓиеска на Инстаграм сподели фотографија од муралот направен во чест на пејачот.
Покрај ликот на Андреј, онаков каков што сите го памтиме, стојат и неколку стихови од една од неговите најпознати песни.
Станува збор за песната „Круг“ од „ДНК“, чиј тест во целост ви го пренесуваме во продолжение…
Потсетуваме, Андреј Ѓорѓиески почина на 16 март во страшниот пожар што се случи во дискотеката „Пулс“ во Кочани, оставајќи ги неутешни неговата деветгодишна ќеркичка Јана и сопругата Наталија.
Според очевидци, тој најпрво успеал да се спаси од пожарот и да излезе, но се вратил назад за да им помогне на останатите.
Инстаграм/ Шо има
Животот на Андреј згасна заедно со уште седум членови на ДНК во несреќата која однесе вкупно 62 млади животи.
Покрај Андреј во несреќата починаа уште седум членови и соработници на групата „ДНК“ –тапанарот Ѓорги Горгиев, клавијатуристот Филип Стевановски, гитаристот Александар Коларов, фотографот Александар Ефремов, придружниот вокал Сара Пројковска, тон-мајсторот Игор Велков и битбоксерот Мартин Атанасовски. Владимир Блажев-Панчо во несреќата се здоби со тешки повреди и се уште е хоспитализиран во болница, а покрај него младиот гитарист и пејач Горан Танев и придружниот вокал Ана Костадиновска се единствените членови на групата ДНК кои се спасија кобната ноќ.
Нека им е лесна земјата на сите загинати и Господ нека им даде сила и утеха на нивните семејства и најблиски…
Концерт „Пееме за Кочани“ во чест на жртвите
Тамара Тодевска, една од нашите најпознати поп-пејачки, на 8. мај во МКЦ ќе одржи голем хуманитарен концерт за семејствата на настраданите во страшната несреќа што се случи на 16 март во Кочани.
Сите средства од продадените влезници ќе одат во хуманитарни цели, а влезници можат да се набават на MK Tickets.
