[ФОТО] Луксуз и злато: Еве како изгледа внатрешноста на новиот претседателскиот авион на Трамп

Претседателот на САД, Доналд Трамп, одлучи да се откаже од понатамошните чекања на новите авиони за претседателски транспорт и да набави луксузен приватен авион кој ќе го користи како привремен „Air Force One“. Овој потег доаѓа поради сериозните доцнења и пречките во проектот на „Боинг“ за модернизација на претседателската флота.

Според информации на „The Wall Street Journal“, Трамп ќе го користи авионот на компанијата L3Harris, кој претходно бил во сопственост на катарската влада. Овој авион е опремен со раскошен ентериер, вклучувајќи златни ѕидови, луксузни мебел и меки теписи, дизајниран од познатата француска фирма Alberto Pinto Cabinet. Целта е да се создаде привремен, но безбедносно и функционално прилагоден авион за претседателски потреби.

Проектот на „Боинг“ за замена на старите авиони VC-25A, кои се во употреба уште од администрацијата на Џорџ Х. В. Буш, се соочува со сериозни проблеми. Иако првичниот рок за завршување беше 2024 година, сега се очекува да биде готов до 2029 или подоцна, поради инженерски проблеми, недостиг на делови и кадровски проблеми. Трамп изрази незадоволство со овие доцнења и дури се консултираше со Илон Маск за да го забрза процесот.

Во меѓувреме, L3Harris работи на прилагодување на катарскиот авион за да го претвори во привремен претседателски авион, со цел да биде подготвен до крајот на 2025 година. Овој потег на Трамп ја нагласува неговата решителност да обезбеди функционален и безбеден авион за претседателски потреби, без оглед на проблемите со официјалниот проект на „Боинг“.